二月二十三日(星期六)
今日又係吃火窩，是招呼另一批同事來我家玩，玩得好開心，食得好飽！今晚睡得比較好！
二月二十四日(星期日)
今晚去妹妹家吃飯，有媽媽煮的好味餸！又可和姨甥女玩，真係好開心！
得意的姨甥女
二月二十日(星期三)
今日放假，很relax，睡到十一點。之後去做身體檢查，去金雀食午餐，去中央圖書館借書，行維園，再去洗頭，做足底按摩，行書局，最後就係去接老公放工。
今日好開心，好寫意和悠閒！最近我失眠，要到半夜兩三點才睡得著，因此我要減壓呀！
午餐係西冷扒餐 ($45)，味道一般，主要係去懷舊一番
金雀在銅鑼灣蘭芳道十三號
中央圖書館勁多書，有很多食譜
二月十七日(星期日)
今日去行香港公園，見到很美的花兒，拍了些照。在那裏我做吓伸展運動，籍此減壓。
你覺得花兒美麗嗎？
二月十六日(星期六)
今日有十個同事來我家玩wii，打麻雀和食火窩。玩得好開心呀，我們笑聲不絕呀！玩到十點，各人便盡興回家。
第一次買了芝士腸、蘿蔔和白鱔片打邊爐
一煲熟
二月十四日(星期四)
早上收花，和老公說好不要送花，但他給了我一個意外驚喜。他很sweet, 全公司只有我有花收！
放工後吃情人節晚餐
麵包
我的頭盤
老公的頭盤
我的主菜有大蝦、帶子和鱈魚
老公的主菜有牛扒和三文魚扒
甜品
Lemon Tea
回家後插花
我也送了一張情人節咭和一件衫比老公，他也十分開心！
病倒了，半夜兩點還call了白車去急症室，老公陪了我一整夜，做了一些基本檢查後，便在觀察病房睡了一會，到早上八時無事便回家。政府醫生的態度好麻麻地。
今天我地都請了病假。我地睡到下午一時，去食tea，再看私家醫生，轉介下星期看專科作詳細檢查，希望無事啦。不過現在已好多了。我想我應要做多Ｄ運動和凡事睇開Ｄ！
睡到下午一時，便去「漁米家」食Teaset
二月十一日(星期一)
明天又要番工啦，今天瞓到十一點，然後買餸煮飯，今晚盡情煮，煮了三餸一湯，老公話食到很飽，以後都係煮兩餸一湯，否則，我們只會變得更肥啦！
下午食紫薯糖水和煎糕食
晚餐有圓肉杞子鹿茸煲豬
魚肉蒸豆腐
西蘭花炒蝦仁魚滑
蕃茄炒牛肉滑蛋
二月十日(星期日)
今日番崇拜，之後去小組組員家新春團拜，有唱詩、遊戲和美食。她的家很有特色。
晚餐，我倆口去了Double Star吃
雜菜湯
蒜蓉飽
老公的三文魚粉
我的焗茄汁海鮮長通粉
餐飲
二月九日(星期六)
今日係大年初三，約了老公舊同事去行山。早上煎糕食，下午一時去行山。
老公記錯約定時間，我們便乘的士去金山郊野公園入口等，見到好多馬騮。
我地行麥理浩徑第五段，係鷹巢山自然教育徑附近入口，幸好沿途沒有馬騮。
行了個幾鐘便到達山頂，身心舒暢。但老公行行吓唔舒服，休息了一會兒，無事便繼續行。
遙望獅子山的頭
到終點時見到香港回歸紀念亭
獅子山
行到天馬苑附近搭巴士３Ｃ出旺角
六時到達旺角食火窩，食到好飽。減肥太難了。春節後我又要努力啦！
