請飲茶

28-06-2009(Sunday)

大弟今日請我地飲茶，去灣仔「敍榕軒」，吃了很多點心，好貴。真係好難得，今次是第一次！他明晚回星，到八月中才回來放假。他比以前開心，看來他在星工作得幾開心！

下午去教會開小組，有好好的分享代禱和互相認識。

晚上去「漁米家」吃，我的魚肉腐皮卷米粉

老公的雞翼米粉

洗塵

27-6-2009(Saturday)

 

今日大弟從星加坡公幹回來，小住三天，星期一晚回星。

全家人晚上去銅鑼灣時代廣場「鴻星」和大弟洗塵。大弟好喜歡星加坡呢！

兩個姨甥女好得意

但她們最愛爭嘢玩

父親節2009

21-06-2009(Sunday)

午間媽媽有少許唔開心，我地立刻去看她，同爸媽去「富臨」飲茶。媽媽需要我地多些陪她。我地缺席了祟拜一次咁多，我想愛爸媽也是主所喜悅的。

 

之後，我去做facial, 好貴但好舒服，我又睡著了！做facial可減壓！

然後在金鐘和銅鑼灣逛下，在太古廣場買了一個 LeSportsac袋比媽媽，氹佢開心！她好鍾意呀！我自己買了一支美白精華素。

晚上全家人去「灣仔」龍皇吃飯，慶祝父親節！

十二人吃了一湯十一個餸，送紅豆沙，盛惠$1750。好味！

飯後來張大合照

馬灣公園

19-06-2009(Saturday)

今日勁熱，一號風球。

十一點半和老爺飲茶，慶祝父親節。

一點去青衣站搭NR330巴士入馬灣，巴士好靚。

挪亞方舟公園在馬灣公園對面

今日有很多人去挪亞方舟公園，入場費$100。我地小組計劃八月中去，今日來探路。

馬灣公園係免費入場

馬灣公園有小食亭，行到很熱，食支橙雪條

昆蟲館有昆蟲標本

馬灣很舒服很靚，我地第一次去，有好印象呢！

下午茶@青衣城KFC

晚餐在家吃

工作壓力

18-06-2009(Friday)

今日在公司樓下的Home Cafe吃lunch，好味！

近日工作十分忙碌，工作壓力很大，常失眠，情緒低落，很辛苦呀！

我被工作控制了！

看書和旅行可減壓。你們又有什麽減壓方法呢？

 

週日家常菜

14-6-2009(Sunday)

崇拜後，吃午餐。

今日吃梘水糉、牛脷腸、艇仔粥和豬紅粥。第一次吃牛脷腸，幾得意！

晚上做了煎釀青椒和豆腐，蒜蓉炒西蘭花。更有前菜，皮蛋酸薑。多謝亞姨弄給我吃的酸薑，真係正到暈！

又到週末

13/06/2009(Saturday)

早上陪媽媽覆診。

之後和媽媽吃日本嘢，有鰻魚飯定食和豬頸肉拉麵壽司定食。

 

 

再去九龍站的「圓方」行下，去360買餸，但我最愛的超市是City Super和Sogo Supermarket。

晚上煮了冷麵、日式餃子和海鮮炒烏冬給媽媽試下。

媽媽煮的炒生菜。三人吃，好飽呀

飯後送媽媽返家，回來剛好趕得切看「樓盤傳真」！真好！

假期的第三天

10-6-2009(Wednesday)

下午兩時才整的brunch。

煙肉蕃茄蛋生菜三文治

 

之後整水蜜桃果凍

Hello Kitty 的模

再之後整 Blueberry Muffin (４個的分量）

材料有牛奶60g，牛油40g，低筋麵粉100g，糖70g，蛋黃50g，發粉3g，鹽1/5茶匙，將所有材料用打蛋器打勻，放入紙杯七成滿，加入籃莓，用170度火焗25分鐘

 

完成了

今晚好友生日，我地去「元氣」食。祝她生日快樂，心常事成！

明天又要上班啦，有排忙碌了！加油！

假期的第二天

9-6-2009(Tuesday)

午餐去KFC吃。然後去中環Oasis剪頭髮，剪得幾好，但好貴，我朋友介紹的，有九折，單剪折後也要五百幾。

晚上有番茄薯仔湯、法包和忌廉焗青口，生果有車厘子

忌廉焗青口係學大少奶的，白汁材料有煙肉、磨菇、洋葱粒加忌廉100g和雞湯200g煮熱，淋在青口上加芝士，用230度火，焗十五分鐘便成。

完成了，好味

假期的第一天

8-6-2009(Monday)

十二點同爸媽去灣仔「富臨」飲茶，四人吃了八碟，盛惠$310，好飽呢！

之後和媽媽行「崇光」超市，買了冷麵、冷麵汁、日式餃子、切碎紫菜，all costs around $70。今晚學Blog友吳太煎日式餃子和冷麵吃。冷麵要用冰水浸半小時。

晚上煎了餃子，煮了生菜。冷麵汁是濃縮的，要用水一比一開稀。味道唔錯噃！

 

下午逛完「崇光」超市，又去灣仔「二德惠」買整蛋糕材料。買了一個磅, cost $60。

又買了一包發粉和低筋麵粉，和蛋糕紙杯，我準備遲Ｄ整blueberry muffin

又買了一盒水蜜桃味果子粉整果凍，cost $14，我準備遲Ｄ整果凍，這是從「如月」的blog到學的。

在blog真係學到好多煮嘢食的知識，增添生活情趣！多謝blog友吳太和如月！