忙碌的黑雨週六

07/06/2008 (Saturday)

一早起床行雷閃電下大雨，真恐佈，老公估係黑雨，扭開收音機，果然係黑雨，幸好今日係週六，否則我地黑雨都要上班！因為今個月，老公和我係要番有津貼的Typhoon Roster呀！這場黑雨好恐佈，又死人又水浸！

早上我的大姨從元朗出來送糉比我媽媽吃，在金鐘塞了一小時都去唔到灣仔呀！

下午已無乜雨，我要和媽媽看中醫，因她膝痛，中醫說媽媽係「O」型腳，要做鞋墊，帶護膝，吃藥丸和做康復治療二十次才可好番。加埋要用成萬元才得。不過為了治好媽媽的膝痛，一切也值得！我地先前都看了很多醫生和physiotheraphy,都唔得，希望今次得啦！

之後和媽媽去UCC Cafe食下午茶, 是 fruit waffle

吃完tea後，和媽媽行Sogo，然後去「京華中心」做媽媽的鞋墊，訂造鞋墊 costs $1600呢，很貴啊，但足部治療師好細心和專業，包埋所有售後服務，都值得呢！

晚上我又趕去沙田新城市中心的「美心皇宮」，會合老公，參加他舊同事的飯聚，其中一人下月會生孖仔，今晚是她生仔前的飯聚，下次等她生完才探她吧！預祝她順利生孖仔！